தள்ளிப்போனது ‘கோச்சடையான்’ ஆடியோ ரிலீஸ்?

 ‘கோச்சடையான்’ படத்தின் ஆடியோ பங்ஷன் திடீரென்று தள்ளி வைக்கப்பட்டுள்ளது.

tamil cinema news

ரஜினியின் ‘கோச்சடையான்’ படம் வருகிற ஏப்ரல் மாதம் 11-ஆம் தேதி ரிலீசாகி விடும் என்று சில வாரங்களுக்கு முன்பு அறிவிக்கப்பட்ட நிலையில் படத்தின் ஆடியோ பங்ஷன் இந்த மாதம் 28-ஆம் தேதி நடக்கும் என்று சொல்லப்பட்டது.

இந்த நிலையில் திடீரென்று ஆடியோ ரிலீஸ் தேதி மாற்றப்பட்டுள்ளது. ‘கோச்சடையான்’ ஆடியோ பங்ஷன் அன்றே ட்ரெய்லரையும் வெளியிட திட்டமிட்டு இருந்ததாகவும், தற்போது ட்ரெய்லர் தயாராகாததால் ஆடியோ பங்ஷனை தள்ளி வைத்திருப்பதாகவும் தகவல்கள் வெளியாகியிருக்கின்றன.

வருகிற மார்ச் 2-வது வாரத்தில் ஆடியோ மற்றும் ட்ரெய்லர் பங்ஷனை நடத்த முடிவு செய்யப்பட்டுள்ளதாக டைரக்டரு ரஜினியின் மகளுமான செளந்தர்யா ரஜினிகாந்த் கூறியுள்ளார். அதேநேரம் திட்டமிட்டபடி படம் ஏப்ரல்11 ஆம் தேதியே ரிலீசாகி விடுமாம்.

தீபாவளி, ரஜினி பிறந்த நாள், பொங்கல் என மாறி மாறி தேதியை அறிவித்துக் கொண்டே வருவதால் கோச்சடையானில் அப்படி என்னதால் நடக்கிறது என்பதே தெரியாமல் ரசிகர்கள் குழப்பத்தில் ஆழ்ந்துள்ளனர்.

இப்படி தேதியை மாத்திக்கிட்டே இருக்கீங்களே..? இது கொஞ்சம் ஓவராத் தெரியலையா..?