நயன்தாராவின் ஆயுர்வேத குளியல்!

 2005ல் ஹரி இயக்கத்தில் சரத்குமார் நடித்த ஐயா படத்தில் தமிழுக்கு வந்தவர் மலையாள நடிகை நயன்தாரா. வந்த வேகத்திலேயே ரஜினியுடன் சந்திரமுகி, குசேலன் போன்ற படங்களில் நடித்தபோது பிரபலமாகி விட்டார். பின்னர் சிம்புடனான காதல் சர்ச்சைகளில் சிக்கி பரபரப்பான நடிகையானார். 

இதற்கிடையே அஜீத்துடன் நடித்த பில்லா படத்தில் பிகினி உடைதரித்து இளவட்ட இதயங்களை கொள்ளையடித்த நயன்தாரா, எத்தனை முறை காதல் சர்ச்சைகளில் சிக்கி சிதைந்து கொண்டிருந்தாலும், ரசிகர்களுக்கு மட்டும் அவர் மீதான கிரேஸ் குறையவில்லை. காரணம், பிரச்னைகள் ஒரு பக்கமிருந்தாலும், தனது அழகை பேணி பாதுகாப்பதில் அதீத அக்கறை காட்டி வருகிறார் நயன்தாரா.

குறிப்பாக, ஆரம்பம், ராஜா ராணி, அனாமிகா படங்களில் நடித்து முடித்த பிறகு, சிம்பு, தனுஷ், ஜெயம்ரவி, என இளவட்டங்களின் படங்கள் கிடைத்திருப்பதால், இந்த இடத்தை தக்க வைத்துக்கொள்ள வேண்டும் என்பதற்காக, இப்போது தனது உடல் எடையை கட்டுப்பாட்டில் வைத்திருக்கும் நயன்தாரா, அடிக்கடி ஆயுர்வேத குளியல் போடுகிறாராம். இதன்காரணமாக, அவரது உடம்பும், தோலும் மினுமினுப்பு குறையாமல் இருக்குமாம். இதற்காகவே மாதாமாதம் ஒரு பெரிய தொகையை செலவு செய்கிறாராம் நயன்தாரா.